ఉత్తరాఖండ్‌లో UCC బిల్లుకు రాష్ట్రపతి ఆమోదం

వివాహం, విడాకులు, వారసత్వం వంటి విషయాల్లో అందరికీ ఒకే విధమైన నిబంధనలు ఉండాలనే లక్ష్యంతో రూపొందించిన ఉమ్మడి పౌరసత్వ బిల్లుకు ఉత్తరాఖండ్ అసెంబ్లీ ఇటీవల ఆమోదం తెలిపిన సంగతి తెలిసిందే. ఈ బిల్లుకు తాజాగా రాష్ట్రపతి ఆమోదం లభించింది. ఉత్తరాఖండ్ యూనిఫాం సివిల్ కోడ్ బిల్లుపై రాష్ట్రపతి ద్రౌపది ముర్ము బుధవారం సంతకం చేశారు. రాష్ట్రపతి ఆమోదంతో ఈ బిల్లు చట్టంగా మారింది. దీంతో యూసీసీ బిల్లును ఆమోదించిన ఏకైక రాష్ట్రంగా ఉత్తరాఖండ్ అవతరించింది.