ఫుట్‌బోర్డుపై విద్యార్థుల ప్రయాణం.. స్పందించిన ఆర్టీసీ ఎండీ

ఆర్టీసీ బస్సులో విద్యార్థులు ఫుట్ బోర్డుపై ప్ర‌యాణం చేయడంపై టీజీఆర్టీసీ ఎండీ సజ్జనార్‌ స్పందించారు. రాష్ట్రంలో ఉద‌యం, సాయంత్రం వేళ‌ల్లో విద్యార్థుల ర‌ద్దీ ఎక్కువ‌గా ఉంటోందని, అందుకు తగినట్లుగా ఎప్పటికప్పుడు బస్సులను అధికారులు అందుబాటులో ఉంచుతున్నారని తెలిపారు. విద్యార్థుల‌కు ఇబ్బందుల్లేకుండా త‌గిన‌న్ని బ‌స్సుల ఏర్పాటుకు చ‌ర్య‌లు తీసుకుంటామన్నారు. వ్యక్తిగత భ‌ద్ర‌త‌ను దృష్టిలో పెట్టుకుని ఫుట్ బోర్డు ప్ర‌యాణం చేయొద్దని విద్యార్థులకు విజ్ఞప్తి చేశారు.