కడ్పల్ పాఠశాలను ఆకస్మికంగా తనిఖీ చేసిన డీఈవో

సిర్గాపూర్ మండలం కడ్పల్ ప్రాథమిక పాఠశాలను జిల్లా విద్యాధికారి వెంకటేశ్వర్లు శుక్రవారం ఆకస్మికంగా తనిఖీ చేశారు. ఈ సందర్భంగా విద్యార్థుల హాజరును, విద్యార్థులు చదువుతున్న తీరును పరిశీలించారు. అనంతరం ఆయన మాట్లాడుతూ. పాఠశాలలో విద్యార్థుల హాజరు శాతాన్ని పెంచాలని, తొలిమెట్టు కార్యక్రమాన్ని పగడ్బందీగా నిర్వహించాలని తెలిపారు. కార్యక్రమంలో పాఠశాల ఉపాధ్యాయులు పాల్గొన్నారు.