గుమ్మడిదల: శ్రీ కామేశ్వరి దేవి అలంకారంలో భద్రకాళి అమ్మవారు

దేవీ నవరాత్రుల మహోత్సవాలు గుమ్మడిదల మండలం బొంతపల్లి భద్రకాళి సమేత వీరభద్ర స్వామి ఆలయంలో ఘనంగా కొనసాగుతున్నాయి. ఆదివారం నాలుగవ రోజు భద్రకాళి అమ్మవారు శ్రీ కామేశ్వరి దేవి అలంకారంలో భక్తులకు దర్శనమిచ్చారు. అమ్మవారి సన్నిధిలో అర్చకుడు సంతోష్ కుమార్ ప్రత్యేక పూజలు నిర్వహించారు. భక్తులు అధిక సంఖ్యలో తరలివచ్చి అమ్మవారిని దర్శించుకుని మొక్కులు చెల్లించుకున్నారు.