గోల్ఫ్ కోర్టులో డొనాల్డ్ ట్రంప్‌నకు సమీపంలో కాల్పులు

అమెరికా మాజీ అధ్యక్షుడు డొనాల్డ్ ట్రంప్‌నకు సమీపంలో కాల్పులు జరిగాయి. ఫ్లోరిడాలో వెస్ట్ పామ్ బీచ్ లోని తన గోల్ఫ్ క్లబ్‌లో ట్రంప్ గోల్ఫ్ ఆడుతుండగా ఈ కాల్పులు చోటు చేసుకున్నట్లు అధికారులు తెలిపారు. ట్రంప్ గోల్ఫ్ క్లబ్‌లో ఓ వ్యక్తి అనుమానాస్పదంగా తుపాకీతో సంచరించడం గమనించిన యూఎస్ సీక్రెట్ సర్వీస్ ఏజెంట్లు అతనిపై కాల్పులు జరిపారు. నిందితుడు పారిపోతుండగా వెంబడించి పట్టుకున్నట్లు చెప్పారు. ట్రంప్ క్షేమంగా ఉన్నట్లు అధికారులు తెలిపారు.