దుబాయ్‌లో జగిత్యాల జిల్లా వాసి ఆత్మహత్య

జగిత్యాల జిల్లా మల్లాపూర్ మండలం మొగిలిపేట గ్రామంలోని ఓ వ్యక్తి దుబాయ్ లో ఆత్మహత్య చేసుకున్న సంఘటన గురువారం చోటు చేసుకుంది. మొగిలిపేట గ్రామానికి చెందిన దండ్ల శ్రీనివాస్(35) అనిత దంపతులు. కుటుంబ పోషణకై శ్రీనివాస్ గత రెండు సంవత్సరాల క్రితం దుబాయ్ కి ఉపాధి కోసం వెళ్ళాడు. తెల్లవారుజామున శ్రీనివాస్ ఉరి వేసుకుని ఆత్మహత్యకు పాల్పడ్డాడు. శ్రీనివాస్ మరణంతో గ్రామంలో విషాదం నెలకొంది. పూర్తి వివరాలు తెలియాల్సి ఉంది.