ఆసుపత్రిలో చేరిన తమిళనాడు మంత్రి

తమిళనాడు దేవాదాయ శాఖ మంత్రి కె.కె.ఎస్.ఆర్. రామచంద్రన్‌ సోమవారం ఆసుపత్రిలో చేరారు. ఎన్నికల ప్రచారంలో ఉన్న ఆయన అకస్మాత్తుగా అస్వస్థతకు గురయ్యారు. దీంతో ఆయనను చెన్నై అయలార్ లాంపు ప్రాంతంలోని అపోలో ఆసుపత్రిలో సిబ్బంది చేర్చారు. ఆయనకు గుండె సంబంధిత సమస్య ఉందని, దీనికి సంబంధించి పరీక్షలు జరుగుతున్నాయని వైద్యులు వెల్లడించారు. పరీక్షలు పూర్తయిన తర్వాత డిశ్చార్జ్ చేస్తామని తెలియజేశారు.