బ్రిటన్ వీసా ఛార్జీల పెంపు

పర్యాటకులతో పాటు ఉన్నత చదువుల కోసం బ్రిటన్‌కు వెళ్లే విద్యార్థులపై మరింత ఆర్థికభారం పడనుంది. స్టూడెంట్, విజిటర్ సహా అన్ని కేటగిరీల వీసా ఫీజులను పెంచుతున్నట్లు బ్రిటన్ ప్రభుత్వం ప్రకటించింది. కొత్త ఛార్జీలు ఏప్రిల్ 9 నుంచి అమల్లోకి రానున్నాయి. ప్రస్తుతం ఆర్నెల్ల బ్రిటన్ వీసా ఫీజు 115 పౌండ్లు (రూ.12,770) ఉండగా.. 10 శాతం పెరిగి 127 పౌండ్ల (రూ.14,103)కు చేరనుంది.