లగచర్ల ఘటన.. దాడి పై ఎస్టీ కమిషన్ ఆరా

వికారాబాద్ జిల్లా దుద్యాల మండలం లగచర్లలో ఎస్టీ కమిషన్ సభ్యులు జాటోత్ హుస్సేన్ నాయక్ సోమవారం మహిళలతో సమావేశమై ఫార్మా కంపెనీకి భూసేకరణ, ఇటీవల జరిగిన దాడిపై ఆరా తీశారు. ఈ క్రమంలో మహిళలు పలు అంశాలను కమిషన్ దృష్టికి తీసుకొచ్చారు. కొందరిని అకారణంగా అరెస్ట్ చేశారని ఫిర్యాదు చేసినట్లు సమాచారం. మరోవైపు పోలీసులు చట్టప్రకారం నడుచుకోవాలని, గిరిజనులను వేధిస్తే సహించేది లేదని ఎస్టీ కమిషన్ స్పష్టం చేసింది.