భూపాలపల్లి లో అన్నదాత కష్టం నేలపాలు

భూపాలపల్లి జిల్లాలో సోమవారం పలు గ్రామాల్లో భారీ ఈదురు గాలులు, ఉరుములు మెరుపులతో కూడిన వర్షం కురవడంతో రైతులకు తీవ్ర నష్టం జరిగింది. మరో పది రోజుల్లో పొలాలు కోతకు సిద్ధమైన తరుణంలో ప్రకృతి ఒక్కసారిగా కన్నెర్ర చేసింది. చేతికి వచ్చిన పంట నేలమట్టం కావడంతో రైతులు కన్నీరుమున్నీరు అవుతున్నారు. కాటారం, మహాముత్తారం, పలు మండలాల్లో వందల ఎకరాల్లో పొలాలు నేలవాలాయి. గాలి తీవ్రతకు వందల ఎకరాల్లో పత్తి నేలవాలింది.