హన్మకొండ సాయి బాబా మందిరం లో జూలై 3న గురు పౌర్ణమి వేడుకలు

హనుమకొండ శ్రీదేవి ఏషియన్ మాల్ ప్రాంతంలోని శ్రీ షిరిడీ సాయిబాబా మందిరంలో జూలై 3న గురు పౌర్ణమి వేడుకలు ఘనంగా నిర్వహించనున్నట్లు మందిర చైర్మన్ మతుకుమల్లి హరగోపాల్ శర్మ తెలిపారు. గురు పౌర్ణమి రోజు ఉదయం 5 గంటల నుండి కార్యక్రమాలు ప్రారంభమవుతాయని, అర్చనలు అభిషేకాలతో పాటు 8 గంటలకు మహన్యాస పూర్వక ఏకాదశ రుద్రాభిషేకం జరుగుతుందని తెలిపారు. మధ్యాహ్నం ఒంటిగంటకు మహా అన్నదాన కార్యక్రమం నిర్వహిస్తామని, భక్తులంతా ఈ కార్యక్రమాలలో పాల్గొని సద్గురు సాయినాధుని ఆశీస్సులు పొందాలని కోరారు. ఈ కార్యక్రమంలో మందిర ధర్మకర్తలు రాకం సదానందం, నిమ్మల శ్రీనివాస్, వాగ్దేవి విద్యాసంస్థల డైరెక్టర్ వాహిని దేవి తదితరులు పాల్గొన్నారు.