వరంగల్: మాజీ కార్పొరేటర్ ఇంటి ఎదుట దంపతుల ఆత్మహత్యాయత్నం

వరంగల్ 14వ డివిజన్ కార్పొరేటర్ భర్త, మాజీ జెడ్పీటీసీ తూర్పాటి సారయ్య డబ్బులు ఇవ్వడం లేదంటూ సుందరయ్యనగర్ కు చెందిన గండ్రతి భాస్కర్ దంపతులు మంగళ వారం ఆత్మహత్య చేసుకుంటామంటూ పెట్రోల్ బాటిల్ తో సారయ్య ఇంటి ఎదుట బైఠాయించారు. ఏనుమాములలో సుమారు 600 గజాల భూమిని సారయ్య, భాస్కర్, రాజు కొనుగోలు చేశారు. ఈ భూమిలో మరో వ్యక్తి నిర్మాణం చేస్తుండగా అడ్డుకోవడంతో మూడేళ్ల క్రితం పోలీసుస్టేషన్లో కేసు నమోదు అయ్యింది.