దేవీపట్నం: చిన్నారి గండి గ్రామంలో అగ్నిప్రమాదం

రంపచోడవరం నియోజవర్గం దేవీపట్నం మండలంలోని చిన్నారిగండి గ్రామంలో శనివారం అగ్ని ప్రమాదం సంభవించింది. ప్రమాదవశాత్తు జరిగిన ఈ అగ్ని ప్రమాదంలో ఓ ఇల్లు పూర్తిగా దగ్ధమైంది. ప్రమాదం జరిగినప్పుడు ఇంటిలో ఐదు గ్యాస్ సిలిండర్లు ఉండడంతో ప్రజలంతా భయంతో పరుగులు తీశారు. గ్రామంలో యువకులు పెద్దలు కలిసి మంటలు ఆర్పివేయడంతో పెను ప్రమాదం తప్పిందని గ్రామస్థులు తెలిపారు. ప్రభుత్వమే ఆదుకోవాలని బాధిత కుటుంబాలు కోరుతున్నారు.