మొక్కజొన్న పొత్తులు - ఆరోగ్యానికి ఒత్తులు

రోడ్డుపై వెళుతుంటే ఎటు చూసినా మొక్కజొన్న పొత్తులు కనిపిస్తున్నాయి. అక్కడక్కడా వాటిని కాల్చుతూ..అమ్ముతూ ఉంటారు. వాటిని చూస్తుంటే ఎవరికి మాత్రం నోరూరదు..అయితే ఈ మొక్కజొన్న కేవలం రుచికే కాదండీ..దీన్ని తీసుకుంటే ఎన్నో ఆరోగ్య ప్రయోజనాలు కూడా...అయితే మొక్కజొన్నలో ఉండే బెనిఫిట్స్‌ ఏమిటో మీకూ తెలుసుకోవలని ఉంది కదూ..

మొక్కజొన్న తీసుకోవడం ద్వారా శరీరానికి కావలసిన బలం చేకూరుతుంది. అలాగే ఒబిసిటీని దూరం చేస్తుంది. గుండెకు మేలు చేస్తుంది. మానసిక ఒత్తిడి, హృద్రోగ వ్యాధులను నయం చేస్తుంది. ఉదర సంబంధిత వ్యాధులను, నోటి దుర్వాససను దూరం చేస్తుంది. మొక్కజొన్నలో పీచుపదార్థాలు ఎక్కువగా ఉంటాయి. కొవ్వు తక్కువ. అందుకే అజీర్తికి చెక్‌ పెడుతుంది. సరి సమానంగా కార్బొహైడ్రేడ్‌, క్యాలరీలను కలిగివుండే మొక్కజొన్నను రోజూ తీసుకోవడం ద్వారా శరీరానికి కావలసిన పోషకాలు అందుతాయి.

అలాగే మొక్కజొన్న డయాబెటిస్‌, హృద్రోగవ్యాధులను నియంత్రిస్తుంది. పసుపు రంగు మొక్కజొన్నల్ని తీసుకుంటే గొంతు వ్యాధులను దూరం చేసుకోవచ్చు. అలాగే కంటిచూపు, దృష్టి ప్రభావం లేకుండా చేస్తుంది. గర్భిణీ మహిళలకు మేలు చేసే ఆహారంలో మొక్కజొన్న ఒకటి.కార్న్‌ ఫ్లోర్‌ను వంటలు, సౌందర్యానికి ఉపయోగించడంతో పాటు చర్మ సంబంధిత అలెర్జీలపై రాస్తే ఉపశమనం లభిస్తుంది.