6వ రోజు కూడా కొనసాగిన బందోబస్తు

సోమందేపల్లి మండల కేంద్రంలో మార్చిలో ఇవ్వబోవు ఇళ్ల పట్టాలకు సంబంధించి భూమి చదును చేసే కార్యక్రమానికి ఆరవ రోజైన మంగళవారం సైతం పోలీసులు గట్టి బందోబస్తు ఏర్పాటు చేశారు. ఈ మేరకు గత వారం భూమిని చదును చేసే కార్యక్రమంలో ఆ భూమికి చెందిన రైతులు ధర్నా చేసిన విషయం తెలిసిందే. ఈ సందర్భంగా గత కొన్ని రోజుల నుంచి నేటి వరకు పోలీసు బందోబస్తు నడుమ జెసిబిలతో భూమిని చదును చేస్తున్నారు. ఈ నేపథ్యంలో ఆరవ రోజైన మంగళవారం కూడా సోమందేపల్లి, పెనుగొండ ఎస్సైలు, పోలీసుల మధ్య భూమి చదును కార్యక్రమం కొనసాగింది.