గోరంట్ల: ఆటో కార్మికులకు సంక్షేమ బోర్డు ఏర్పాటు చేయాలి: సీఐటీయూ

గోరంట్ల మండలం పాలసముద్రం క్రాస్ వద్ద ఆటో కార్మికులు గురువారం సమావేశం నిర్వహించారు. ట్రాన్స్ పోర్టు రంగం జిల్లా ప్రధాన కార్యదర్శి పెడబల్లి బాబా మాట్లాడుతూ.. కేంద్ర ప్రభుత్వం తీసుకువచ్చిన మోటార్ వాహనాల చట్టం రద్దు చేయాలన్నారు. కార్మికులకు ఉరితాడు లాంటి ఈ చట్టం వస్తే నష్టపోతారని, వ్యవసాయం రంగం తర్వాత చాలామంది నిరుద్యోగులు ఈ రవాణా రంగంపై ఆధారపడి జీవిస్తున్నారని తెలిపారు. ఈ కార్యక్రమంలో సిఐటియు జిల్లా కార్యదర్శి రమేష్, చేనేత కార్మిక సంఘం నాయకులు పాల్గొన్నారు.