వరద బాధితుల కోసం దివీస్ భారీ విరాళం

విజయవాడలో వరదల బాధితులను ఆదుకునేందుకు దివీస్ సీఈఓ దివి కిరణ్ ఆదివారం హైదరాబాదులో మంత్రి నారా లోకేశ్ ను కలిసి రూ. 5కోట్ల చెక్కును అందజేశారు. ఈ నెల 1 నుంచి 8వ వరకు వరద బాధితులకు ఆహారాన్ని అందజేసేందుకు గాను అక్షయపాత్ర ఫౌండేషన్కు మరో రూ. 4. 8 కోట్లను దివీస్ సంస్థ అందజేసింది. మొత్తంగా రాష్ట్రంలో వరద బాధితుల కోసం రూ. 9. 8 కోట్ల విరాళాన్ని అందించిన దివీస్ సంస్థను మంత్రి లోకేశ్ అభినందించారు.