నరసరావుపేట: ఆయుధ పూజ చేసిన ఎస్పీ శ్రీనివాసరావు

విజయదశమి నుంచి అన్ని విజయాలు చేకూరాలని ఎస్పీ శ్రీనివాసరావు ఆకాంక్షించారు. విజయదశమి సందర్భంగా శనివారం పల్నాడు జిల్లా పోలీస్ సాయుధ దళ కార్యాలయంలో ఎస్పీ దంపతులు ఆయుధ పూజ, వాహన పూజ నిర్వహించి, జమ్మి చెట్టుకు పూజలు చేశారు. అనంతరం ఎస్పీ మాట్లాడుతూ.. చెడుపై మంచి సాధించిన విజయానికి గుర్తుగా విజయదశమి పండుగను జరుపుకోవడం జరుగుతుందన్నారు. చెడును పారదోలేందుకు పోలీస్ విభాగం నిరంతరం కృషి చేస్తుందన్నారు.