మార్టూరులో పిసిసి అధ్యక్షురాలు షర్మిల సందడి

ఆంధ్రప్రదేశ్ కాంగ్రెస్ కమిటీ అధ్యక్షురాలు షర్మిల శుక్రవారం రాత్రి కాసేపు మార్టూరులో సందడి చేశారు. గుంటూరు పర్యటన ముగించుకొని ఆమె నెల్లూరు జిల్లా పర్యటనకి జాతీయ రహదారిపై వెళ్తూ విశ్రాంతి కోసం ఇసుకదర్శిలో ఆగారు. ఈ సమాచారం తెలియడంతో పెద్ద సంఖ్యలో ప్రజలు ఆమె చుట్టూ మూగారు. సెల్ఫీలు దిగడానికి పోటీపడ్డారు. షర్మిల కూడా వారితో సరదాగా మాట్లాడుతూ స్థానిక రాజకీయాల గురించి ఆసక్తి గా అడిగి తెలుసుకున్నారు.