కుప్పం: పతనమైన పూల ధరలు

బంతి, చామంతి పూలకు ధరలు లేకపోవడంతో రైతులు ఆందోళన వ్యక్తం చేస్తున్నారు. సోమవారం కుప్పం పూల మార్కెట్లో బంతి పూలు కిలో 5 రూపాయలు, చామంతి 10 రూపాయల ధర పలికింది. ఇతర రాష్ట్రల నుంచి పూలు కొనుగోలు చేయడానికి వ్యాపారులు రాకపోవడంతో మార్కెట్ ఎదురుగా కుప్పలు పోశారు. ఎంతో కష్టపడి పండించిన పంటకు గిట్టుబాటు ధర లేకపోవడంతో తీవ్రంగా నష్టపోతున్నామని రైతులు తెలిపారు.