నగిరి: మున్సిపల్ కార్మికులకు వర్కర్స్ కాలనీ ఏర్పాటు చేయాలి

నగిరి మున్సిపాలిటీలో పనిచేస్తున్న కార్మికులకు మున్సిపల్ పరిధిలో వర్కర్స్ కాలనీ ఏర్పాటు చేయాలని సీపీఐ పార్టీ నాయకులు కోరారు. ఈ సందర్భంగా ఆ పార్టీ ఆధ్వర్యంలో తహశీల్దార్ కార్యాలయం ఎదుట బుధవారం మున్సిపల్ కార్మికులకు ఇంటి స్థలాలు కేటాయించాలని నిరసన వ్యక్తం చేశారు. దీనిపై పలుమార్లు అధికారులు దృష్టికి తీసుకువెళ్లినా న్యాయం జరగలేదన్నారు. కార్యక్రమంలో కోదండయ్య, వేలన్, మురళి, భాష, విజయ్ పాల్గొన్నారు.