రెండవ రోజు ప్రారంభమైన తిరుమల పరిరక్షణ పాదయాత్ర

బీసీవై పార్టీ వ్యవస్థాపక అధ్యక్షులు బోడె రామచంద్ర యాదవ్ నిర్వహిస్తున్న తిరుమల పరిరక్షణ పాదయాత్ర రెండవ రోజైన శనివారం చిత్తూరు జిల్లా, పుంగనూరు నియోజకవర్గం, సోమల మండలం నుంచి ప్రారంభమైంది. ఈ సందర్భంగా రామచంద్ర యాదవ్ వెంకటేశ్వర స్వామికి ప్రత్యేక పూజలు నిర్వహించి అనంతరం తన పాదయాత్రను ప్రారంభించారు. గోవింద నామ స్మరణతో పాదయాత్ర ముందుకు సాగుతుంది. ఈ కార్యక్రమంలో పెద్ద సంఖ్యలో భక్తులు పాల్గొన్నారు.