కర్రలతో దాడి.. కేసు నమోదు

తిరుపతి జిల్లా వరదయ్యపాలెం మండలం కారిపాకంలో ఇంట్లో నీళ్లు పడ్డాయని కర్రలతో దాడులు చేసుకున్న ఘటన మంగళవారం చోటుచేసుకుంది. గ్రామానికి చెందిన హేమలత తన ఇంటి వద్ద నీటితో సామాన్లు కడుగుతుండగా ఆ నీళ్లు ఎదురింటిలో పడ్డాయని శ్రీధర్ గొడవపడ్డాడు. దీంతో శ్రీధర్ భార్య భారతి ఆగ్రహంతో కర్రతో హేమలత తలపై కొట్టింది. హేమలతకు తీవ్ర గాయాలయ్యాయి. బాధితురాలి ఫిర్యాదు మేరకు కేసు నమోదు చేసినట్లు ఎస్సై మల్లికార్జున్ తెలిపారు.