శ్రీకాళహస్తీశ్వర ఆలయంలో వైభవంగా పవిత్రోత్సవాలు

శ్రీకాళహస్తీశ్వర ఆలయంలో పవిత్రోత్సవాలు వైభవంగా జరుగుతున్నాయి. ఈ సందర్భంగా సోమవారం రాత్రి ఊయలోత్సవం వేడుకగా నిర్వహించారు. ఈ నేపథ్యంలో ఏర్పాటు చేసిన ప్రత్యేక ఊయలలో ఎదురెదురుగా సోమస్కంద మూర్తి, జ్ఞాన ప్రసూనాంబలను ఆశీనులు చేశారు. ఆలయ ప్రధాన అర్చకులు దీక్ష గురుకుల్ స్వామినాథన్ స్వామి అమ్మవార్లకు ప్రత్యేక పూజలు చేశారు. ఈ కార్యక్రమానికి భక్తులు భారీగా హాజరై స్వామి అమ్మవార్లను దర్శించుకున్నారు.