పేకాట శిబిరంపై పోలీసులు దాడి

పేకాట శిబిరంపై ఆత్రేయపురం పోలీసులు మంగళవారం దాడి చేసి ఆరుగురు వ్యక్తులను అదుపులోకి తీసుకున్నట్లు ఎస్సై ఎస్. రాము తెలిపారు. ఆయన తెలిపిన వివరాల ప్రకారం ఆత్రేయపురం మండలం పులిదిండి గ్రామం శివారున పేకాటాడుతున్నారన్న సమాచారం మేరకు దాడి చేసి ఆరుగురు వ్యక్తులను అదుపులోకి తీసుకుని వారి వద్ద నుండి రూ. 2200 స్వాధీనం చేసుకున్నట్లు చెప్పారు. కేసు నమోదు చేసి దర్యాప్తు చేస్తున్నట్లు ఎస్సై రాము చెప్పారు.