ముమ్మిడివరం: మాజీ ఎమ్మెల్యే ప్రత్యేక పూజలు

ముమ్మిడివరంలో శ్రీ హరి సాకేత ఆలయం భక్తులతో కిటకిటలాడింది. కార్తీకమాసం పర్వదినాలు అందునా శనివారం శ్రీ వెంకటేశ్వర స్వామి వారికి అత్యంత ప్రియమైన రోజు కావడంతో ఆలయానికి భక్తులు పోటెత్తారు. మాజీ ఎమ్మెల్యే పొన్నాడ సతీష్ కుమార్ ఆలయాన్ని సందర్శించి స్వామివారికి ప్రత్యేక పూజలు చేశారు. ఆలయ కమిటీ సభ్యులు సతీష్ ను ఆలయ మర్యాదలతో సత్కరించారు. భక్తులు భారీ క్యూ లైన్లో వేచి ఉండి స్వామి వారిని దర్శించుకున్నారు.