మోతుగూడెం లక్ష్మీ గణపతి ఆలయంలో భారీ అన్న సమారాధన

చింతూరు మండలం మోతుగూడెం లక్ష్మీ గణపతి ఆలయంలో ఏర్పాటు చేసిన దసరా ఉత్సవాల లో భాగంగా మంగళవారం అమ్మవారు అన్నపూర్ణాదేవి అవతారంలో భక్తులకు దర్శనమిస్తున్నారు. ఈ సందర్భంగా గ్రామంలో భవాని మాల ధరించిన భక్తులు అందరూ కలిసి భారీ అన్న సమారాధన కార్యక్రమం ఏర్పాటు చేశారు. ఈ అన్న సమారాధనకు అధిక సంఖ్యలో చుట్టుపక్కల గ్రామాల నుండి భక్తులు విచ్చేసి అమ్మవారిని దర్శించుకుని తీర్థప్రసాదాలు స్వీకరించారు.