రాజోలు: దంచికొట్టిన వర్షం.. లోతట్టు ప్రాంతాలు జలమయం

రాజోలు మండలంలోని రాజోలు శివకోడు తదితర గ్రామాల్లో సోమవారం భారీ వర్షం కురిసింది. సుమారు అరగంటపాటు ఏకధాటిగా కురిసిన వర్షానికి జనజీవనం స్తంభించింది. లోతట్టు ప్రాంతాలు, కాలనీలు జలమయమయ్యాయి. మరో రెండు రోజుల్లో దీపావళి పండుగ వస్తున్న నేపథ్యంలో ప్రస్తుతం కురిసిన భారీ వర్షంతో దీపావళి దుకాణాలు వేసే వారిలో ఆందోళన నెలకొంది.