గుర్తుతెలియని వాహనం ఢీకొని సెక్యూరిటీ గార్డ్ మృతి

తుని మండలం తేటగుంట సమీపంలోని పాత చెకోపోస్ట్ వద్ద ఆదివారం రాత్రి రోడ్డు ప్రమాదం జరిగింది. తుని రూరల్ ఎస్ఐ కృష్ణమాచార్యులు తెలిపిన వివరాల ప్రకారం అన్నవరం దేవస్థానంలో సెక్యూరిటీ గార్డ్ పనిచేస్తున్న గోవింద్ (26) బైక్ పై వెళ్తుండగా గుర్తుతెలియని వాహనం ఢీకొంది. ఈ ప్రమాద ఘటనలో గోవింద్ తలకు బలమైన గాయమైంది. 108లో తుని ఏరియా హాస్పిటల్ కు తరలించగా అప్పటికే మృతి చెందినట్లు వైద్యులు ధ్రువీకరించారన్నారు.