ఉప్పలగుప్తం: అగ్ని ప్రమాదంలో గుడిసెలో ఉన్న హోటల్ దగ్దం
ఉప్పలగుప్తం మండలం కూనవరం గ్రామంలో మంగళవారం జరిగిన అగ్ని ప్రమాదంలో పూరి గుడిసెలో ఉన్న హోటల్ దగ్ధమైంది. మూసి సత్య నారాయణ హోటల్లో గ్యాస్ సిలిండర్ వెలిగిస్తుండగా అది ఒక్కసారిగా పేలిపోయి ఈ ప్రమాదం జరిగిందని స్థానికులు తెలిపారు. దాని పక్కనే ఉన్న టైలరింగ్ షాప్ కూడా పూర్తిగా కాలిపోయింది. అమలాపురం అగ్నిమాపక కేంద్రం సిబ్బంది సంఘటనా స్థలానికి చేరుకుని మంటలను అదుపు చేశారు. నష్టం వివరాలను అంచనా వేస్తున్నారు.
