చీరాల: 12మంది పేకాటరాయుళ్ల అరెస్ట్

వేటపాలెం మండలం రామాపురం శివారులో గుట్టు చప్పుడు కాకుండా నడుస్తున్న పేకాట స్థావరంపై ఆదివారం సాయంత్రం చీరాల రూరల్ ఎస్సై చంద్రశేఖర్ మెరుపు దాడి చేశారు. ఈ సందర్భంగా పేకాట ఆడుతున్న 12 మంది జూదరులను అరెస్టు చేసి వారి వద్ద నుండి 8350 రూపాయల నగదు స్వాధీనపరుచుకున్నారు. కేసు నమోదు చేసి దర్యాప్తు చేస్తున్నట్లు ఎస్సై చెప్పారు. మండల పరిధిలో ఎవరూ జూద కార్యకలాపాలు సాగించరాదని ఆయన హెచ్చరించారు.