అంగరంగ వైభవంగా శ్రీ అభయాంజనేయ స్వామివార్ల మహోత్సవం

గుంటూరు జిల్లా పొన్నూరు మండలం తాళ్లపాలెం గ్రామంలోని శ్రీ విజయ గణపయ్య, శ్రీ అభయాంజనేయ స్వామివార్ల 4వ వార్షిక మహోత్సవ కార్యక్రమం శుక్రవారం భక్తిశ్రద్ధలతో అంగరంగ వైభవంగా జరిగింది. ఈ మహోత్సవ కార్యక్రమంలో ఉదయం స్వామివార్లకు వేద పండితుల తో ప్రత్యేక పూజలు నిర్వహించారు. తాళ్లపాలెం శ్రీ విజయ గణపయ్య, శ్రీ అభయాంజనేయ స్వామి వారి మహోత్సవానికి వివిధ గ్రామాల ప్రజలు పెద్ద ఎత్తున పాల్గొని ప్రత్యేక పూజలు నిర్వహించి తమ మొక్కులు తీర్చుకున్నారు. అనంతరం సుమారు రెండు వేల మంది భక్తులకు అన్నసంతర్పణ చేసినట్లు గ్రామ కమిటీ సభ్యులు తెలిపారు.