మదనపల్లెలో భవన నిర్మాణ కార్మికుడు ఆత్మహత్యాయత్నం

కుటుంబ సమస్యలతో భవన నిర్మాణ కార్మికుడు విషం తాగి ఆత్మహత్యాయత్నానికి పాల్పడిన సంఘటన శుక్రవారం రాత్రి మదనపల్లి లో జరిగింది. శనివారం పోలీసులు తెలిపిన సమాచారం మేరకు మదనపల్లె అనపగుట్టలో నివసిస్తున్న శివరాం (30) ఓ మద్యం షాపులో మద్యం కొనుక్కుని అందులో విషం కలుపుకొని తాగి ఆత్మహత్యాయత్నానికి పాల్పడ్డాడని తెలిపారు. కుటుంబ సభ్యులు వెంటనే మదనపల్లి ఆసుపత్రికి తరలించి చికిత్స అందిస్తున్నారు.