మైదుకూరు: తెలుగు గంగా కాలువలో పడి బాలుడు మృతి

మైదుకూరు మండలంలోని విశ్వనాధపురం హరిజనవాడకు చెందిన కొట్టం సుజిత్ (14) అనే బాలుడు ప్రమాదవశాత్తు తెలుగు గంగ కాలువలో పడి మృతి చెందాడని పోలీసు తెలిపారు. మంగళవారం విశ్వనాధపురం- గంగవరం మధ్యలో ప్రవహిస్తున్న తెలుగు గంగ కాలవలో ప్రమాదవశాత్తు పడి బాలుడు మృతి చెందాడన్నారు. బాలుడు మృతితో గ్రామంలో విషాదఛాయలు అలుముకొన్నాయి. పోలీసులు కేసు నమోదు చేసి దర్యాప్తు చేస్తున్నారు.