జగ్గంపేట: విద్యుత్ ట్రాన్స్ఫార్మర్ ల పై తీగలు తొలగించాలి

జగ్గంపేట మండలంలోని గుర్రప్పాలెం గ్రామంలో విద్యుత్ ట్రాన్స్ఫార్మర్ లకు తీగలు అల్లుకున్నాయి. దీంతో అటుగా ప్రయాణించాలంటే ప్రయాణికులు, గ్రామస్థులు భయాందోళనకు గురవుతున్నారు. వారానికి ఒకసారి ట్రీ కటింగ్లో భాగంగా విద్యుత్ సరఫరాకు అంతరాయం కలిగించి తూతూ మంత్రంగానే పనిచేస్తున్నారు. కాని పూర్తిగా చేయడంలో విద్యుత్ అధికారులు విఫలమయ్యారని గ్రామస్థులు వాపోతున్నారు. ఈ తీగలను సరిచేయాలని ఆ ప్రాంత వాసులు కోరుతున్నారు.