పెడన: వైభవోపేతంగా అమ్మవారి గ్రామోత్సవం

పెడన గ్రామ దేవతగా పూజలు అందుకుంటున్న పైడమ్మ తల్లి జాతర మహోత్సవాలు ఘనంగా జరుగుతున్నాయి. ఆదివారం అమ్మవారిని గ్రామోత్సవంగా పురవీధుల్లో ఊరేగించారు. ఈ సందర్భంగా వందలాది మంది భక్తులు అమ్మవారిని దర్శించుకుని ప్రత్యేక పూజలు నిర్వహించారు. అనంతరం అమ్మవారిని దేవాలయానికి తీసుకుని వెళ్ళగా, పలువురు ప్రముఖులు దర్శించుకుని పూజలు చేశారు. ఆలయ అధికారులు భక్తులకు అవసరమైన ఏర్పాట్లు పర్యవేక్షించారు.