ఉయ్యూరులో కొండెక్కిన ఉల్లిధర

ఉయ్యూరు నగర పంచాయతీ పరిధిలో నేడు సామాన్యులు ఉల్లిపాయ కొనలేని పరిస్థితి ఏర్పడింది. గురువారం బహిరంగ మార్కెట్లో ఉల్లిధర రూ. 70 దాటేసింది. దాంతో రోజురోజుకు ధర పెరుగుతుండడంతో సామాన్యుల నడ్డి విరుస్తోంది. మూడునెలల క్రితం రూ. 25 పలికినధర నేడు మూడింతలు పెరిగింది. కొత్త పాయలు రూ. 60, పాత పాయలు రూ. 70కి విక్రయిస్తున్నారు. వరుసగా పండుగలు, శుభ కార్యాలు ఉండడం తో మరింత పెరిగే సూచనలు కనిపిస్తాయి.