కొమరోలు: విద్యుత్ షాక్ తో రైతు మృతి

ప్రకాశం జిల్లా కొమరోలు మండలం ముటుపల్లి గ్రామంలో గురువారం రైతు వెంకటయ్య విద్యుత్ షాక్ తో మృతి చెందాడు. తన గొర్రెలను మేత కోసం సమీపంలోని పొలలోకి రైతు తీసుకువెళ్లాడు. తిరిగి వస్తున్న క్రమంలో ఓ వరి పొలానికి చెందిన కంచెను తాకాడు. విద్యుత్ సరఫరా అవుతుండడంతో పెద్ద వెంకటయ్య అక్కడికక్కడే మృతి చెందాడు. రైతు తిరిగి రాకపోయేసరికి గ్రామస్తులు వెతుకుతూ వెళ్లి పెద్ద వెంకటయ్య మృతి చెందిన విషయాన్ని గుర్తించారు.