బంగారు తిరుచ్చి వాహనంపై శ్రీ కళ్యాణ వెంకన్న విహారం

చంద్రగిరి మండలం శ్రీనివాసమంగాపురంలో వెలసిన కళ్యాణ వెంకటేశ్వరస్వామి ఆలయ మాడవీధుల్లో శ్రీవారు ఉభయదేవేరులతో కలిసి ఆదివారం సాయంత్రం బంగారు తిరుచ్చి వాహనంపై విహరించారు. ఈ సందర్భంగా ఆలయంలో స్వామి వారిని వేకువఝామున సుప్రభాత సేవతో మేల్కొలిపి నిత్య కైంకర్యాలు నిర్వహించారు. సాయంత్రం స్వామివారు బంగారు తిరుచ్చి వాహనంపై తిరుమాఢ వీధుల్లో విహరించగా భక్తులు కర్పూర నీరాజనాలు సమర్పించారు.