చిత్తూరులో గంజాయి అమ్ముతున్న ముగ్గురు అరెస్ట్

చిత్తూరులో గంజాయి అమ్ముతున్న ముగ్గురిని అరెస్ట్ చేసినట్లు గురువారం డిఎస్పీ సాయినాథ్ తెలిపారు. ఆయన మాట్లాడుతూ.. ఇరువరం వద్ద గంజాయి అమ్ముతున్నట్లు సమాచారం మేరకు దాడులు నిర్వహించామన్నారు. ఇందులో భాగంగా సెల్వం, చిన్న, లోకేశ్ను అరెస్ట్ చేసినట్లు వెల్లడించారు. నిందితుల నుంచి 1. 60 కిలోల గంజాయి, బైక్, రెండు ఆటోలు, ఐదు చిన్న కత్తులను స్వాధీనం చేసుకున్నట్లు స్పష్టం చేశారు. కేసులో ప్రతిభ కనబరిచిన సీఐ నెట్టికంటయ్య, ఎస్సై ప్రసాదు, సిబ్బందిని అభినందించారు.