విజయనగరం జిల్లాలో ఘోర రోడ్డు ప్రమాదం.. ఇద్దరు మృతి

విజయనగరం జిల్లా డెంకాడ మండలం మోదవలస సమీపంలో మంగళవారం ఘోర రోడ్డు ప్రమాదం జరిగింది. ఆగివున్న లారీ వెనుక భాగంలో వేగంగా వస్తున్న కారు ఢీ కొనడంతో ప్రమాదం జరిగింది. ఈ ప్రమాదంలో ఇద్దరు మృతి చెందారు. మృతి చెందున వారు విజయనగరంకు చెందిన నమ్మి మనోజ్, తగరపువలసకు చెందిన అలమండ శ్యాంప్రసాద్ గా పోలీసులు గుర్తించారు. ఘటనా స్థలికి చేరుకున్న డెంకాడ పోలీసులు కేసు నమోదు చేసి దర్యాప్తు చేపట్టారు.