7న ఉచిత నేత్ర వైద్య శిబిరం

మహిళా వాకర్స్ క్లబ్ ఆధ్వర్యంలో ఆదివారం ఉచిత కంటి వైద్యశిబిరం నిర్వహించనున్నట్లు క్లబ్ అధ్యక్షులు ఎస్ లలితారెడ్డి శుక్రవారం తెలిపారు. మాధవధార కోదండ రామాలయం ప్రాంగణంలో శ్రీ మాధవ యువజన సమాజం సహకారంతో జరిగే ఈ శిబిరానికి శంకర్ ఫౌండేషన్ వైద్య సిబ్బంది హాజరై పరీక్షలు నిర్వహించి తగిన సలహాలు, సూచనలు అందజేస్తారు. ఉదయం 8 నుంచి మధ్యాహ్నం 2 గంటల వరకు జరిగే ఈ శిబిరాన్ని జంట కాలనీ వాసులు వినియోగించుకోవాలని కోరారు.