రావికమతం గ్రామంలో అగ్నిప్రమాదం: లక్ష రూపాయల ఆస్తి నష్టం

అనకాపల్లి జిల్లా చోడవరం నియోజకవర్గం రావికమతం మండలం గర్నికం గ్రామంలో భారీ అగ్నిప్రమాదం చోటుచేసుకుంది. రెండు వరికుప్పలు దగ్ధమవగా, వీటిని కేసం శెట్టి రమణకు చెందినవిగా ఫైర్ సిబ్బంది గుర్తించారు. స్థానికుల సహకారంతో ఫైర్ సిబ్బంది మంటలను అదుపులోకి తీసుకువచ్చారు. ఈ ఘటనలో సుమారు లక్ష రూపాయల ఆస్తి నష్టం జరిగినట్లు అంచనా వేయడం జరిగింది. మంటల కారణంగా గ్రామస్తులు తీవ్ర భయాందోళనకు గురయ్యారు.