ఉమ్మడి విశాఖ జిల్లాకు భారీ వర్ష సూచన!

ఏపీకి తుపాన్ ముప్పు ఉందని విపత్తుల నిర్వహణ సంస్థ తెలిపింది. బంగాళాఖాతంలో ఏర్పడిన తుపాన్ ఈ నెల 5న తీవ్ర తుపానుగా మారనుంది. ఒడిశా, బెంగాల్ తీరాల సమీపంలో ఈ తుపాను తీరం దాటనుందని పేర్కొంది. దీని ప్రభావంతో గురు, శుక్రవారాల్లో శ్రీకాకుళం, విజయనగరం, మన్యం, అల్లూరి, అనకాపల్లి జిల్లాల్లోని కొన్ని ప్రాంతాల్లో భారీ వర్షాలు కురిసే అవకాశం ఉందని తెలిపింది. మిగిలిన చోట్ల తేలికపాటి నుంచి మోస్తరు వర్షాలు కురుస్తాయని వెల్లడించింది.