పెనుగొండలో 40 కిలోల గంజాయి పట్టివేత

అక్రమంగా గంజాయి తరలిస్తున్నట్లు వచ్చిన సమాచారంతో పెనుగొండ పోలీసులు శనివారం దాడి చేసి ఒక లారీలో 40 కిలోల గంజాయిని స్వాధీనం చేసుకున్నారు. పెనుగొండ ఎస్ఐ గంగాధరరావుకు వచ్చిన సమాచారంతో మార్టేరు రోడ్డులో కర్ణాటకకు చెందిన లారీలో తరలిస్తున్న గంజాయి స్వాధీనం చేసుకుని లారీ డ్రైవర్ ప్రసన్న, క్లీనర్ శ్రీకాంత్‌లను అరెస్టు చేసినట్లు వెల్లడించారు. వాహనాన్ని సీజ్ చేసి కేసు నమోదు చేసి దర్యాప్తు చేస్తున్నారు.