భీమవరం: తెల్లరేషన్ కార్డుదారులకు ఉచిత సిలిండర్ ఈనెల 31నుండి అమలు

తెల్లరేషన్ కార్డు ప్రామాణికంగా అర్హులైన లబ్ధిదారులకు ఉచిత సిలిండర్ అక్టోబర్ 31 నుండి అమలు కానున్నట్లు జేసీ టి.రాహుల్ కుమార్ రెడ్డి తెలిపారు. జిల్లాలో 6,21,626 ఎల్పిజి కనెక్షన్లు ఉన్నాయని, అయితే ఎల్పిజి కనెక్షన్, తెల్లరేషన్ కార్డు కలిగి ఆధార్ తో అనుసంధానమైన అర్హులైన లబ్ధిదారులకు మాత్రమే ఈ పథకం వర్తిస్తుంది అన్నారు. సంవత్సరానికి 3 సిలిండర్లు చొప్పున ఉచితంగా సరఫరా చేసేందుకు ప్రభుత్వం ఉత్తర్వులు జారీ చేయడం జరిగిందని తెలిపారు.