కామవరపుకోటలో రూ. 2. 15లక్షల నగదు స్వాధీనం

కామవరపుకోట ఎన్నికల చెక్‌పోస్టు వద్ద మంగళవారం అధికారులు నిర్వహించిన వాహన తనిఖీల్లో ఇరువురు వ్యక్తుల నుంచి రూ. 2. 15లక్షల నగదు స్వాధీనం చేసుకున్నారు. ఈ నగదుకు సంబంధించిన ఎటువంటి పత్రాలు చూపకపోవడంతో నగదు స్వాధీనం చేసుకున్నట్లు ఎన్నికల అధికారి మొహిద్దీన్‌ తెలిపారు. నగదును ట్రెజరీలో జమ చేసినట్లు తెలిపారు. 50 వేలకు పైబడిన నగదును ఎటువంటి పత్రాలు లేకుండా తీసుకెళ్తే స్వాధీనం చేసుకుంటామని తెలిపారు.