చింతలపూడి విద్యుత్ సబ్‌స్టేషన్‌లో పిడుగు

ఏలూరు జిల్లా, చింతలపూడి సబ్‌స్టేషన్ 132కేవీ విద్యుత్ సబ్ స్టేషన్ లో శుక్రవారం పిడుగు పడింది. ఉదయం నుండి వాతావరణం ఒక్కసారిగా మారిపోయి సాయంత్రం బలమైన ఈదురుగాలులు ఉరుములు మెరుపులతో కూడిన భారీ వర్షం కురిసింది. దీంతో ఒక్కసారిగా పిడుగు పడటంతో సబ్ స్టేషన్ లో తీగలు కాలిపోయాయి. ఈ క్రమంలో విద్యుత్ సరఫరాకు ఆటంకం ఏర్పడింది. ఈ సందర్భంగా విద్యుత్ శాఖ అధికారులు మరమ్మత్తుల పనులు చేపట్టారు.