భారత హాకీ జట్టుకు షాక్.. సెమీస్​కు డిఫెండర్ అమిత్ దూరం!

పారిస్ ఒలింపిక్స్​లో భారత పురుషుల హాకీ జట్టుకు షాక్ తగిలింది. డిఫెండర్ అమిత్ రొహిదాస్​ ఒక మ్యాచ్ సస్పెన్షన్​కు గురైయ్యాడు. ఆదివారం గ్రేట్ బ్రిటన్​తో జరిగిన క్వార్టర్ ఫైనల్​ మ్యాచ్​లో అమిత్ హాకీ ఫెడరేషన్ ప్రవర్తన నియమావళి ఉల్లంఘించాడని ఇంటర్నేషనల్ హాకీ ఫెడరేషన్ (FIH) పేర్కొంది. ఈ మేరకు అమిత్​ను ఒక మ్యాచ్ సస్పెండ్ చేస్తున్నట్లు ఫెడరేషన్ ఓ ప్రకటనలో పేర్కొంది. దీంతో అతడు ఒలింపిక్స్​లో సెమీఫైనల్ మ్యాచ్​కు దూరం కానున్నాడు.