విద్యుత్‌ స్తంభం విరిగిపడి మూడేళ్ల చిన్నారికి గాయాలు

జగిత్యాల జిల్లా సారంగపూర్ మండలానికి చెందిన మెండ్ల శ్రీను–లక్ష్మి దంపతుల కుమార్తె చైత్ర(3)పై విద్యుత్‌ స్తంభం విరిగిపడగా తీవ్ర గాయాలయ్యాయి. స్థానికంగా ఉండే గంగాధర్ అనే వ్యక్తి విద్యుత్ తీగలకు చెట్టుకొమ్మలు తగులుతున్నాయని.. ఆ చెట్టుకొమ్మలను నరికేశాడు. ఈ క్రమంలో ఆ చెట్టుకొమ్మలు విద్యుత్ తీగలపై పడడంతో.. వాటి బరువుకు స్థంభం విరిగి ఇంటిముందు ఆడుకుంటున్న చైత్ర కాలుపై పడింది. దీంతో చైత్రకు తీవ్రగాయాలు అయ్యాయి. విషయం తెలుసుకున్న పోలీసులు కేసు నమోదు చేశారు.